మాములుగా నాన్ వెజ్ తో లాలిపాప్స్ చేయడం మనం చూసేఉంటాం.. కానీ వెజ్ తో చేయడం అనేది కొత్తగా ఉంది. ఇక ఆలస్యం లేకుండా ఈ వెరైటీ వెజ్ లాలిపాప్స్ ను ఎలా చేసుకోవాలి. అందుకు ఎటువంటి పదార్థాలు కావాలి అనే విషయాల గురించి ఇప్పుడు తెలుసుకుందాం.
కావలసిన పదార్థాలు..
ఆలుగడ్డలు- రెండు,
క్యాబేజీ ముక్కలు- పావు కప్పు,
క్యారెట్‌ తురుము- పావు కప్పు,
క్యాప్సికమ్‌ ముక్కలు- మూడు స్పూన్లు,
ఉల్లి ముక్కలు- మూడు స్పూన్లు,
అల్లం వెల్లుల్లి పేస్టు- అర స్పూను,
పసుపు- చిటికెడు,
కారం- పావు స్పూను,
మిరియాల పొడి- పావు స్పూను,
ధనియా, గరం మసాలా పొడి- అర స్పూను,
వరి పిండి- మూడు స్పూన్లు,
శెనగ పిండి- స్పూను,
నీళ్లు, నూనె, ఉప్పు- తగినంత.
తయారి విధానం..
ముందుగా ఒక గిన్నెలోకి కూరగాయలన్నిటినీ తీసుకోవాలి. దాంట్లోనే పొడులన్నిటినీ వేయాలి. అల్లం వెల్లుల్ని పేస్టు, ఉప్పూ కారాన్నీ చేర్చాలి. బియ్యం పిండినీ వేసి తగినంత నీటితో ముద్దగా కలపాలి. ఈ మిశ్రమాన్ని అరగంట పాటు ఫ్రిజ్‌లో పెట్టాలి. ఆ తరవాత చిన్న ముద్దలుగా చేసుకుని పక్కన పెట్టుకోవాలి. ఓ గిన్నెలో శెనగ పిండిని నీటితో కాస్త జారుగా కలుపుకోవాలి. ఇందులో కూరగాయల ముద్దల్ని ముంచి నూనెలో వేయించి తీయాలి. టూత్‌పిక్‌లను ఒక్కో ముద్దకు గుచ్చితే వెజ్ లాలీపాప్ రెడీ… మీకు నచ్చితే మీరు కూడా ట్రై చేయండి..
